serikali ya wanafunzi Chuo kikuu cha Dar es salaam (DARUSO)


TAARIFA KWA UMMA
Serikali ya wanafunzi chuo kikuu cha Dar es salaam (DARUSO) imepokea kwa masikitiko makubwa taarifa za kushambuliwa kwa risasi mbunge wa Singida Mashariki mhe.Tundu Antipas Lissu kwani kitendo hicho ni cha kikatili na kinyama kinyume na misingi ya umoja wa Taifa letu nje ya itikadi zetu ,dini zetu na tofauti zetu zingine huku tukitanguliza mbele maslahi ya taifa letu,utu,haki,heshima na usawa kwa watanzania wote. Kwani shabaha na madhumuni yetu watanzania ni kupigania maendeleo ya taifa letu na kujenga Tanzania yenye misingi ya haki,umoja ,upendo na mshikamano.
Rai yetu kwa Watanzania ni kuwa ni lazima tuweke pembeni maslahi ya itikadi za vyama vyetu,kuacha vijembe vyenye asili ya tofauti zetu za kiitikadi na tofauti zetu zingine na tulaani kitendo hiki kwa umoja wetu kama taifa.
Pia Tunaliomba jeshi la polisi kufanya kazi yake kwa weledi ili kubaini na kuhakikisha vitendo hivi vinakomeshwa mara moja na mwisho tunaungana na watanzania wote kumuombea mhe.Tundu Antipas Lissu kwa Mungu amponye na kuimarisha afya yake mapema iwezekanavyo.AMEN
Mungu ibariki Africa,Mungu ibariki Tanzania,Mungu ibariki Daruso
‘Whether right or left when it comes to the people’s lives we are one’
JILILI JOHN JEREMIAH
RAIS DARUSO
07/09/2017

Please Login to Comment.